मुक्तक १०

टाउको बेचेर टोपी किनेछ कस्तो अचम्म

भर्खर आफुलाई नै चिनेछ कस्तो अचम्म

गाउमा बा खेताला नपाएर भड्किरहेछन

छोरा जागिर खोज्दै हिनेछ कस्तो अचम्म

मुक्तक ९

गर नगर शृंगार फरक पर्दैन

जे भनोस् यो बजार फरक पर्दैन

मैले तिमीलाई प्रथम जुन लाई दोस्रो बनाए

अरुले गरेनी अस्वीकार फरक पर्दैन

मुक्तक ८

खै के सिकायो पत्तो भएन

गयो कि आयो पत्तो भएन

त्यस्तालाई नि क गुरु भन्नु

के के पढायो पत्तो भएन |

मुक्तक ७

जब उकुशमुकुश हुनेछ

बिद्रोह र जुलुस हुनेछ

रामको पनि सत्ता खोसिनेछ

शासनमा लुवकुश हुनेछ

मुक्तक ६

जे मिल्छ अब बाडेर खानेछु

मभन्दा देश ठुलो ठानेछु

देश बनाउने भए यति भनोस्

दिल्ली भन्दा पहिला दार्चुला जानेछु |

मुक्तक ५

हेर्दा हेर्दै कमरेडले घर फेर्नुभएछ

उपनाम राखेर थर फेर्नुभएछ

बधाई दरबारले भोट हजुरलाई दिनेभो

चुनाब चिन्न हेलिकप्टर फेर्नुभएछ

मुक्तक ४

मात्र समय काट्ने पारा खोजेको भए

बरु जुन र तारा खोजेको भए

पाउन अलि सजिलो हुनेथियो होला

उनलाई नभई संसार सारा खोजेको भए

मुक्तक ३

कर्णालीको गाथा सुनाउनहुन्छ था'छ

दाजु भन्दिनु न कर्णाली का'छ

तपाई त संसार घुमेको मान्छे

कहिले कर्णाली जानु भा'छ

मुक्तक २

कि रुखले काम देखाउनु पर्यो

कि सुर्यले घाम देखाउनु पर्यो

ए १२ वर्ष रामायण पढाउने  रत्नाकर

रावण मात्र होइन राम देखाउनु पर्यो 

मुक्तक १

हिमाल माटो अनि खानी माग्यो

डुबायो देश अनि पानी माग्यो

बुद्धको  बृद्काल र मृत्यु उसैसंग थियो

हुदाहुदा बालापन र जवानी माग्यो ।